162 Bücher
|
Klabund
Der
Leierkastenmann . 1. Auflage 1917
Ja auf der Walze
Ja auf der Walze
Dees is z' dumm.
Verlier' i aus dera Hos'n
Mei Schmalzlerdos'n,
Woaß net warum.
Ja auf der Walze
Bin ganz deschperat,
Da hob i der Magd
Oan Bub'n g'macht,
Ja dees is fad.
Ja auf der Walze,
Himmiherrgottsackerment!
Da hob i für mei Durscht
Hoaß Wasser g'suffa,
Hob ma d' Gurgel vabrennt.
Ja auf der Walze,
Dees sag i laut:
Da hat mi beim Tippeln
Der damische damische
Knieschnackler hi'g'haut.
Ja auf der Walze
Triff i wen o:
Mit spindeldürre Wadel
Koa Bua und koa Madel,
I kenn ean scho...
Klabund
. 1890 - 1928
|
|
